الصبح لك والمجد لك والشكر لك يا ربّ الأرباب وإله الآلهة، منسبّحك ومنعظّمك على حضورك فينا.
يا ربّ السما والأرض، كل شي بالحياة هوي منّك، وكل المواهب والنّعم اللي فينا هيّي عطايا منّك، وكل شي منملكو هوّي من خيرك.
يا إلهنا الحبيب، الإنسان مخلوق بطبعو بيطلب، ومين في أهم وأغلى منّك يا بيّنا السماوي إننا نطلب منّو كل شي منتمنّاه، بس المشكلة ما عم نعرف كيف أو شو عم نطلب لحياتنا.
دايماً يا ربّي يسوع عم تكون طلباتنا أرضيّة وماديّة، ما عم نعرف نطلب الأساسي والجوهري، حضورك وحضور الروح القدس بحياتنا، ما عم نعرف نتعالى عن الأرضيّات ونوصل لعندك، دايماً متقوقعين عا ذاتنا وبدنا كل شي لإلنا.
تعا يا ربّ، وحقّق جوهرك الإلهيّ فينا تا نحصل عالملكوت.
/الخوري يوسف بركات/
