صباح النور يا خالق النور، وربّ العدرا أمّ النور، يا إله الفرح والسرور، والحامينا من كل الشرور، منسبّحك ومنشكرك ومنمجّدك بهالنهار المبارك.

يا ربّي يسوع، منوقف اليوم قدام ذاتنا، ومنتذكّر كل الأعمال اللي عملناها: إن كانت حلوة منطلب منّّك إنّك تباركا وتخلينا نثبت فيك ونكمّل فيها، وإن كانت سيئة منطلب منّك إنّك تسامحنا وتغفرلنا ياها ورح نسعى على إننا ما نرجع نعيشا.

شو حلو هالزمن يا ربّ، زمن المحبّة ومش البغض، زمن المغفرة ومش الدينونة، زمن الخدمة ومش التسلّط، وشو مهم إننا نحاسب حالنا وما ندين الآخرين ولا نحاسبن على أخطاؤن.

كلنا ضعاف يا ربّ، وممكن نرتكب الأخطاء، ويمكن هالخطايا إذا ما عالجناها بالإتكال عليك رح تكبر وتتحوّل لخطايا كبيرة ومميتة، لهيك أعطينا روحك القدّوس تا يشجّعنا ويقوّينا بوجّ التجارب والخطية.

/الخوري يوسف بركات/