الصبح إلك والمجد إلك يا ربّ الأرباب وإله الآلهة، منشكرك عالليل اللي قطع وعالنهار اللي جايي علينا.
يا ربّي يسوع، كل ما بيقرّب وقت الصوم تا يخلص، منتمنّى إننا نكون تحرّرنا من كل العادات السيئة، وقدرنا هذّبنا نفوسنا متل أجسادنا، تا نعرف نعيش القيامة بصدق ونقوم معك بعد موت عن الذات والملذّات.
منتذكر يا ربّي يسوع هالإنسان الميّت المحمول، اللي بيشبه كل حدا منّا مايت بخطيتو، وحاملتو الكنيسة وجايبتو لعندك بصلاتا تا تسكب فيه حياتك الإلهيّة ويرجع ينتعش ويعيش.
نحنا جايين لعندك يا ربّ وحاملين بعض بصلواتنا تا تلمس نعشنا وتلفّنا بنور جسدك اللي بيحيينا ونرجع نعيش لغّة جديدة هيّي لغة المحبّة والشكر، ونشهد لكلّ النِعم اللي سكبتا فينا يا نبع الحياة.
/الخوري يوسف بركات/
