يا ربّ، إنت اللي وعّيتنا بهالصباح المبارك عا نورك، وعطيتنا هالنهار تا نفرح بوجودك فيه ونتأمّل بعجايبك اللي ما بتنعدّ.
يا ربّي يسوع، نحنا بأمسّ الحاجة إنّك تحكينا بكلمة الله وتسكب فينا من حياتك الإلهيّة، ومن روحك القدّوس تا تتهدّم الحدود اللي حاطتا الخطايا بوجو، ويجي يملّينا ويطهّرنا وينوّرنا.
يا ربّي يسوع، من دون الروح القدس ما عنّا القدرة إننا نسمع شي، هوّي اللي بيفتحلنا قلوبنا تا نقدر نصغي لكلامك المليان حياة.
كلمتك يا ربّي يسوع فيها روح، فيها سلام، وفيها أمان خلّت مريم إخت مرتا تترك كل شي وتقعد تتسمّعلك، وخلّت القدّيسة رفقا تشرك آلامك بآلاما وعلّمتنا كيف نحبّك ونحط هدف أساسي وهوّي الملكوت السماوي معك.
/الخوري يوسف بركات/
