بصباح هيدا العيد الفارح، عيد تأسيسك يا ربّي يسوع لسرّ الإفخارستيّا، منرفع إبتهالاتنا تمجيد وتسبيح وشكر لإلك عا هالسرّ العظيم اللي فيه باقي معنا للأبد.
منشكرك يا ربّي يسوع، خصوصي بهاليوم المبارك، لأنّك فيه عطيتنا ذاتك لمّن كسرت جسدك وسفكت دمك وعطيتن لكنيستك تا تعيش وتتغذّى منن للأبد.
منشكرك يا ربّي يسوع، خصوصي بهالعيد المميّز لأنّك فيه اتّحدت فينا، ودعيتنا إننا نعيشو كل يوم ونبشّر بموتك وقيامتك بكل لحظة منعيش فيها.
منتأمّل يا ربّي يسوع بهالسرّ العظيم، وبسرّ موتك وقيامتك، اللي فيهن منتّحد فيك ومنتذكّر إنّو بتناولنا القربان المقدّس، وبتفاعلنا مع جسدك المقدّس ودمك الطاهر، رح منكون عم نجسّد مسيحيّتنا بالعالم.
بهالعيد المبارك، منرفعلك أفكارنا وعقولنا ونفوسنا تا تتقدّس بجسدك ودمك اللي بنينا حياتنا عليون.
/الخوري يوسف بركات/
