بصباح هالنهار المميّز، اللي فيه عم تشرق نورك يا ربّي يسوع تا يضوّي ظلمات القبور اللي كانت مغلّفة موتى الجسد والنفس.

بعد عظمة الآلام يا ربّي يسوع، صار القبر محل تا تفوت لعمق أعماق القبور وتوصل للموتى، وتتغلغل بكيانن وتفيض نورك بظلامن، ولاهوتك بناسوتن تا تعطيون الحياة،

ونحنا يا ربّي يسوع، لمّن منكون تعبانين من آلام الحياة، اعطينا إننا نلتفت صوبك لأنّو فيك وحدك منلاقي الراحة والسعادة والسلام اللي منطلبن بحياتنا.

عند إجريك يا ربّي يسوع منكبّ كل همومنا ومعاناتنا تا تسكب فيها التعزية، وتفيض علينا نور مجدك، وتزيل عنّا كل الغيوم المتلبّدة بالخطية، ونعبر للسعادة والقيامة معك.

/الخوري يوسف بركات/