عظيم إنت يا ربّ السلام، وين ما منكون وكيف ما منكون، بحيلّلا موقف بيخلّينا مضطربين، بتجي إنت يا ربّي وبتسكب فينا سلامك تا نعيشو مع الله الثالوث ومع بعضنا بعض.
عظيم إنت يا ربّ، بسلامك صالحتنا مع ذاتنا ومع الله، بماضينا وحاضرنا ومستقبلنا فتحتلنا باب الراحة بالله.
عظيم إنت يا ربّ السلام، إنت اللي تألّمت ورحت عالموت برضاك لخلاص الإنسان، وإنتصرت بالنهاية على سيّد العالم الأرضيّ، أعطينا يا يسوع إنّنا نعرف نقدّس حياتنا بإتّحادنا فيك.
وأعطينا يا ربّ القوّة تا ما يدمّرنا ماضينا، لا بل نجي لعندك تا تقدّسنا وتوحّدنا فيك.
/الخوري يوسف بركات/
