المسيح قام! حقًّا قام!
صرخة صرخا الرسل يوم القيامة يا ربّي يسوع، وبعدو صداها عم يتردّد لليوم، وبهالصرخة نحنا شهود على قيامتك المجيدة.
كتار يا ربّي يسوع آمنو وبعدن عم بيآمنو، وغيرن ما آمنو ولا بدن يصدقو لأنّن متمسّكين بآلهة أرضيّة عم بتأرجحن بين سعادة أرضيّة زايلة، وبين أصحاب سلطة ونفوذ، والجوهر بعيد عنن.
مع توما الرسول انزاح الشكّ بقيامتك يا يسوع، وأعلن إيمانو بعد ما عاين آثار المسامير والجرح من جنبك، وشهادتو هيّي الدافع الأوّل لننزع عنّا كلّ شك بقيامتك من الموت يا ربّي يسوع، وصرنا مش بحاجة بعد إننا نعاين ونتأكّد تا نآمن، ثقتنا فيك أكبر من التأكيد، وهيدا هوّي إيماننا إنّك قايم دايماً من بين الأموات بحياتنا.
/الخوري يوسف بركات/
