يا ربّي يسوع، قدّيش قيامتك عزيزة عا قلبنا ومهمة بحياتنا، ومن خلالا فتّحتلنا عيوننا وقلوبنا وأفكارنا، تا تعطي معنى لكل حدا فينا.

يا ربّي يسوع، كلّ اللي حكيو فيه عنّك كل الأنبيا تحقّق بقيامتك، وفيها تأكّدنا إنّك تألّمت ومتت وقمت باليوم التالت تا نموت عن خطايانا ونتوب ونقوم معك بالعالم الجديد، ونصير عمّال وفعلة حقيقيّين وشهود لإلك.

يا ربّي يسوع، لإلك منموت ومنعيش بفعل الروح القدس اللي بيقوّي عزيمتنا عالبقاء معك.

أعطينا هالروح القدس تا يبدّلنا ويقدّسنا ويطهّرنا ونصير نشهدلك بكل نفس، ونفرّح قلبك اللي كلّو حب وحنان وسلام.

/الخوري يوسف بركات/