يا ربّي يسوع، آلاف السنين مرقت على قيامتك المجيدة وعلى كلامك المحيي، وبعدنا متل اللي ما عندن علاقة فيك، مش مصدقين كلامك اللي بتقول فيه إنّك خبز الحياة.

بعدن الناس يا ربّي يسوع عم بيركّزو عالخبز المادي، بدّن ياكلو من دون ما يشتغلو، بس الخبز اللي إنت حكيت عنّو واللي بتعطيه، هوّي شخصك، هوّي حبّك المصلوب ولكن المنتصر عالموت.

بس هيدا الخبز صعب عالإنسان اللي ما بيآمن فيك، إنّو يحصل عليه، لأنّو بيتطلّب إلتزام أكتر وحب أكتر، بس اللي بياكل منّو ما بيجوع أبداً لأنّ الحياة بتثبت وبتستقرّ فيه.

يا نبع الحنان، اللي شرب منّو كل الموتى ورجعو أحياء، ثبّت خطواتنا بإيماننا وإلتزامنا، تا نستقرّ فيك للأبد.

/الخوري يوسف بركات/