بصبّحك يا ربّ مع نور هالصباح اللي عم تشرقو علينا من بعد ليل مليان من سلامك.
قديش بتمرق علينا أوقات منكون فيها مصدر طوبى لأهلنا أو لإلك من خلال أعمالنا وأقوالنا وحياتنا بين الناس؟
وقديش بتمرق علينا أوقات منكون مصدر شك ولعنة لأهلنا بتصرفاتنا اللي ما بتعكس صورتن وصورتك فينا؟
قديش عم نسعى تا نكون عا قد المسؤولية اللي عطيتنا ياها وهيي إننا نحبّك بالآخرين اللي منلتقي فيون بحياتنا؟
قديش عم بتكون حياتنا هيي إنعكاس لحياتك اللي عشتا بيناتنا، وعلّمتنا وشدّدت على إنو نعيشا ونتمثّل فيك؟
قدّيش عنّا هالإيمان الثابت فيك بإنّك معنا وحامينا وركيزة حياتنا تا نقدر نواجه صعوبات الحياة ومغرياتا اللي بتشدنا بعيد عنّك وبتحاول تتملّكنا وتضيّعنا بعالم الـ أنا المليان ظلمة؟
/الخوري يوسف بركات/
