مع بداية هالصباح المبارك، بعلن إيماني فيك يا بيي السماوي.
مع كل زقزقة عصفور بعلن حبّي لإلك يا يسوعي الحبيب.
ومع كل نسمة هوا، بعلن إستسلامي لإلك يا روح الله القدّوس.
قدّيشك عظيم يا ربّي اللي ما بتنسى العصفور المنسي!
قدّيشك عظيم يا ربّي اللي كوّنتني وبتعرف تفاصيل حياتي.
قدّيشك عظيم يا ربّي اللي بتحبني قبل ما إعلن حبي لإلك.
قدّيشك عظيم يا ربّي اللي مرافقني بكل لحظات حياتي وبتحميني من كلّ التجارب.
قدّام عظمة حبّك يا ربّ ما فيي إلاّ ما إنحني وإعلن إيماني فيك وحبّي لإلك وإستسلامي لمشيئتك اللي فيا عم تدعيني كون علامة حبّك بين العالم.
اللي بقدر قلك ياه واللي إنت بتعرفو قبل ما قولو يا بيي السماوي اني رح حاول وضلّ حاول، رغم التجارب الصعبة، إني إعكس فرحك بالعالم.
/الخوري يوسف بركات/
