بصباح هالعيد المبارك بسبّحك وبمجّدك يا سيّدي الكبير والأوحد يا الله الآب والابن والروح القدس.
مع السيّد الصغير، مارون، بعلنك إلهي وبلجأ لإلك تا تعطيني القوة والشجاعة انّي كون سيّد عا ذاتي وعا انانيتي وعا شهواتي وأستحق كون تلميذك وإعلن مجدك بحياتي.
مع السيّد الصغير، مارون، بدي إعلنك مخلّصي وعيش بعيد عن التجاذبات اللي بتبعّدني عن الأساس والهدف اللي أنا موجود فيه بالحياة وهوي انّك تكون الملك عا حياتي.
ومتل السيّد الصغير، مارون، بدي ياك تكون قوّتي تا أقدر إحمل تعب الناس ووجعن وإرفعن بصلاتي لإلك وشاركن معك بفعل حب.
ومتل السيّد الصغير، مارون، بدي عيش التلمذة لإلك وإتبع تعاليمك الصحيحة وما ضيع بمتاهات هالعالم ومغرياتو وكون رسولك الك وحدك يا حبيبي يسوع.
/الخوري يوسف بركات/
أضغط هنا... للإنتقال إلى صفحاتنا على سوشيال ميديا
