صباح المحبة والسلام، صباح الفرح والأمل ، هيدا صباحك يا ربّ.
بهالصباح المبارك يا ربّ بتوقّفني قدّام ذاتي تا شوف كيف عم إتعامل مع خيّي.
وينني أنا الإنسان منّك يا ربّ، بيضل همّي بالأرضيات وبنسى الأهم اللي هوي إنت يا ربّ.
وينني منّك يا ربّ لمّن بضل كل حياتي عم بركض كيف بدّي بعّد خيّي أو إختي وإلتهمن وكوّش عا كلّ شي وبصير حط حجج تا برّر حالي.
وينني منّك يا ربّ لمن الطمع بيعشّش بي كياني وبيصير يمنعني من إنّي شوف حاجة إخوتي وشاركن بكل اللي بقدر عليه؟
وينني منّك يا ربّ، لمّن يكون الحقد مالي قلبي وما عم يخلّيني حبّ إخوتي كرمال شقفة أرض أو ورتة معيّنة.
كل الإشيا الأرضيّة فانية وبتزول بس حبّك والقعدة معك يا ربّ وحدن اللي الدايمين.
/الخوري يوسف بركات/
