صباح الإيمان الصادق فيك يا رب.
شو حلو وشو مهم كلامك يا رب اللي دايماً بتنبّهنا فيه تا ما تكون صلواتنا موضع شك وتجارة معك.
والصلاة اللي بتطلبا منا يا رب منها ترداد كلام، لا بل هيي فعل منعيشو معك، وبيتجسّد حضورك بكل قول وبكل تصرف منعملن.
منشكرك يا ربّ لأنّك علّمتنا نصلي ونعيش الصلاة الربّيّة (الأبانا) بحياتنا واللي فيها منعلن بنوّتنا لإلك.
هالصلاة، اللي بتختصر حياتنا معك يا ربّ بتوقّفنا قدّام ذاتنا وقدامك وتخلينا نعرف إننا من دون نعمتك ما فينا نعمل شي.
بدنا ياك يا ربّ تجي وتملّينا منّك ومن روحك القدّوس تا نعرف نشهد لإلك بكلماتنا وبتصرفاتنا.
بدنا ياك تساعدنا تا نعيش معك علاقة الحب بالصلاة والتأمل فيك تا نمتلي منك إنت اللي بتحوّلنا وبتعطي المعنى الحقيقي لصومنا ومن خلالو نوصل لعندك لمن بتدعينأ.
/الخوري يوسف بركات/
أضغط هنا... للإنتقال إلى صفحاتنا على سوشيال ميديا
