بهالصباح المبارك، بصبّحك يا رب بكل نفس من أنفاس حياتي.
بصبّحك يا بيي السماوي اللي ما بتنساني أنا إبنك اللي خلقتني عا صورتك.
بصبّحك يا يسوعي الحبيب اللي بترعانا نحنا قطيعك وما بتنسا ولا واحد منا.
بصبّحك يا روح الله القدوس اللي واقف حدي وبتدعيني إنّي سلمك ذاتي تا أحصل عالملكوت.
شو حلو يا ربّ إنّي أعرف ميّز شو هوي الأهم اللي بيوصلني لعندك.
شو أساسي يا ربّ إنّي ترجم هالشي المهم إنّي كون بين المحتاجين وشوفك فيون وأخدمك من خلال خدمتي لإلن.
والأهم يا ربّ انّو ما خلّي ذاتي تتغلّب عليي وحاربا بإستسلامي لإلك بتواضع تا كون عم أعرف صوّب الهدف صوب الملكوت.
/الخوري يوسف بركات/
