صبحية مع الرب

صباح الرحمة هوي صباحي معك اليوم يا رب.

منتأمل بكلامك اليوم يا رب، واللي بتدعينا فيه تا نكون رحومين مع بعضنا البعض وما تكون قلوبنا قاسية.

واللي عم تحكيه بهالمثل اليوم يا رب بيتطبق عا كل واحد وواحدة منّا.

وقديشنا سريعين بإننا نطالب الناس بحقوقنا بالوقت اللي فيه منصلّي كل يوم تا تغفرلنا يا رب خطايانا.

بهالصوم منتأمّل يا رب عم تدعينا بكل لحظة للغفران لأنك إنت غفرتلنا وبعدك عم تغفرلنا خطايانا الكتيري واللي ما بتنعدّ وعم تدعينا نتشبّه فيك.


وبالنهاية، يا رح بتكون قلوبنا متحجّرة ونتحجّج بإنسانيّتنا وكرامتنا ونعيش الكراهية والبغض والنميمة وغيرن ونضيع بمتاهات الحقد.

يا رح بتصير قلوبنا متل قلبك الصافي، نعرف نسلّمك ياها تا تنقّيها وتعطينا النعمة تا نعرف نغفر بمحبة.

الجواب بدو تصرف ومش حكي.


/الخوري يوسف بركات/