صبحية مع الرب

بسبّحك وبمجدك يا ربي يسوع ببداية هالأسبوع المبارك.

واضح بكلامك يا يسوع إنو اللي من أسفل هوي كل إنسان بقي بخطيتو ورفض حضورك ونعمتك بحياتو، وهودي هني اللي رح يموتو بخطاياهم الموت الأبدي.

بينما اللي من فوق من عند الآب هني الناس اللي بيآمنو فيك وبيعملو مشيئتك وتركو هالدني بريحة القداسة، واللي تركو هالدني بريحة القداسة هودي رح بتكون لإلن الحياة الأبديّة معك يا رب.

يا ربّي يسوع، لو تركنا العالم كلّو، وحدك ما بتتركنا لأننا من دون وجودك بحياتنا رح تقتلنا خطايانا.

نوّّرنا يا رب تا نعرف ونتأكّد إنّك الله المخلص، ونقدر نموت عن ذاتنا تا تعيش إنت فينا وترحمنا بدل ما تديننا خطايانا وتفصلنا عنّك.

تعا يا ربّ وإملك عا قلوبنا تا نعرف نستفيد من كل لحظة بحياتنا ومن كل فرصة بتدعينا فيها للتوبة.


/الخوري يوسف بركات/