شو حلوة الصبحية معك يا رب لمن بوعى عليك عم بتسلمني الوكالة، عم بتسلمني الأمانة، وهيي إني عيشك بالآخرين.
بس بالوقت ذاتو شو صعبة عليي إني حافظ عا هالوكالة بظل هالأزمات اللي عم بتحاول تبعدني عنك.
إنت يا رب سلمتني كل شي، سلمتني المواهب، سلمتني حبّك، سلمتني ذاتك، واليوم عليي أنا إني كون قد المسؤولية.
بوعدك يا رب إني ولا يوم إعتبر حالي صاحب الأملاك ، وضلني عارف محدوديتي إني وكيل وعم أعمل بس اللي بتطلبو مني.
بوعدك يا ربّ إني عيش الخدمة متل ما إنت عشتا وأعرف حالي إني إبنك وخي للآخر.
بوعدك يا رب إني عيش التواضع اللي عاشتو العدرا مريم إمي وإم الدني كلا، هيك بعرف حالي رح كون معك بالملكوت.
/الخوري يوسف بركات/
