صبحية مع الرب

بهالنهار الهادي، اللي فيه كل الدني حزناني عا فراقك بالجسد يا ربّ، بسبّحك يا الهي الحبيب.

شو بدنا اكتر من اللي عملتلنا ياه يا ربّ نحنا البشر اللي ما بيعجبنا عجب؟
الحبّ؟
وحبّيتنا لدرجة انّك متت كرمالنا، تا تعلّمنا انّو اللي بيحب بيضحّي كرمال اللي بيحبّن الحبّ الصادق.الحياة؟ وعطيتنا ياها بي ملآا تا نتنعّم فيها ونتأمّل بجمالات خلايقك، بس للأسف استغليناك واستغليناها لاطماعنا وأحقادنا.

السعادة؟
عشتا قدّامنا لمن عشت بين الضعفا وعلّمتنا، من خلال اخوتك الصغار، انّو بالخدمة الصادقة وبالتواضع الحقيقي منعيش السعادة اللي ما بتوازيها سعادة.


يا يسوع، بهالنهار اللي فيه نزلت ورفعت موتى القبور، منشكرك لأنّك علّمتنا كيف نستعد، قبل ما نترك هالحياة، للقاءك بالحياة الابدية.


/الخوري يوسف بركات/