صبحية مع الرب

شو هالنهار العظيم اللي فيه عم بتثبتلنا ايماننا المسيحي من خلال قيامتك يا ربّ.

بقيامتك يا رب دحرجت الصخرة عن باب قبرك تا تقلنا انو ما في موت معك لأنك اله الحياة ومش اله الموت.


تعا يا ربّ ودحرج حجر اليأس اللي فينا وملّينا من حبّك وثبّتنا فيك.


تعا يا ربّ ودحرج حجر الانانية اللي فينا وكون الهدف والغاية لحياتنا.


تعا يا ربّ ودحرج حجر الطمع والجشع اللي فينا وكون انت دنيتنا وحياتنا وآخرتنا.


تعا يا ربّ ودحرج حجر انساننا القديم وكون انت انساننا الجديد نفسيا وروحيا وجسديا.


تعا يا ربّ ودحرج حجر الجهل اللي فينا وكون انت القائد لسفينة حياتنا.


تعا يا ربّ ودحرج احجار الخطية المتملكة فينا وزراع محلّا حبّك وسلامك.


/الخوري يوسف بركات/