صباح الأمل بتغيير جديد، صباح الرجا بحياة حلوة معك يا ربّ.
بسمعك اليوم عم تدعيني يا ربّ للتوبة وللتغيير بنمط حياتي.
شو ناطر أنا الإنسان من هالحياة الفانية؟ الوقت عم يقطع وبعدني متكبّش بأنانيتي وما عم كون مستعدّ تا إستقبلك كفاية متل ما بيليق فيك.
منّي عم كون جاهز إنّي فوت عا وليمتك لأنّي بعدني منّي لابس تياب العرس.
ميشان هيك رح حاول غيّر من الطريقة اللي ما عم بتقدّمني صوبك.
بعد ٣ سنين معك يا ربّ تغيّر نمط حياة التلاميذ اللي رافقوك، كانو أطفال بالإيمان وبعد القيامة صارو رجالك.
وأنا هيك، صار الوقت إنتقل من الطفولة بالإيمان لمرحلة النضوج تا أقدر كون مستعد لشارك بعرسك السماوي يا أجمل عريس.
/الخوري يوسف بركات/
