صبحية مع الرب
بسبّحك يا ربّ وبمجّدك بهالصباح المبارك.
بوقت التجارب، قديش جرّب الشيطان انو يحصر رسالتك ويحطا بمنطق العالم، وحاول يغريك بالمال والسلطة؟ بس انتي الانسان والاله واجهتو بإنّو السجود لالله وحدو والعبادة هيي للآب السماوي.
واليوم، ومن بعد قيامتك المجيدة، الله الآب، بيّك السماوي، ردّلك اللي رفضتو من ابليس بفعل التواضع الحقيقي، وعطاك كل السلطان اللي بالسما وعالأرض.
يا ربّي يسوع، نحنا عنا كل الثقة بكلامك. عطينا اننا نلمس اكتر انو الغنى الحقيقي هوي بالروح ومش بالمال، وانو السلطة هيي بالمحبة ومش بالتملّك.
يا ربّي يسوع، هيدا الزمن زايل والموت رح ياخد منا كل شي منجمعو عا هالأرض الفانية، اعطينا اننا نعرف كيف نترجم كلّ النعم والمواهب اللي زرعتا فينا، وملّينا من حبّك تا نقدر نوزّعا عالآحرين بمحبّة وتفاني واخلاص وتكون اعمالنا واقوالنا جسر عبور للسما، المكان الأبدي اللي داعينا تا نستقر فيه معك.
/الخوري يوسف بركات/
