اليوم، صباحك مليان حبّ وسلام وفرح وأمل ورحمة يا ربّ.
شو حلو هالمثل اللي عم تعطيني ياه اليوم يا ربّ!
هالتينة، اللي ما عم تعطي ثمر، ما قطعا الكرّام لأنّو كان عندو أمل إنّها ترجع تثمر من جديد لمّن بيشتغل عليا.
وإنت يا ربّ ما بتقطع الأمل منّي ولو بكتير من الإيام ما بعطيك ثمر يمجّد اسمك.
يا ربّ، إنت الإله الوحيد اللي ما بتملّ من إنّك تهتمّ فيّي بطرق مختلفة.
بس الدور عليّي أنا الإنسان الضعيف اللي رغم محاولاتك لتغييري بضلّ عم بضعف وأوقع وما أعطيك ثمر.
بس إنت الوحيد اللي بتعرف إنّي عم بسعى ورح ضلّ إسعى انّي حصّن حالي فيك تا أقدر أعطيك ثمر بيليق فيك يا حبيبي يسوع.
/الخوري يوسف بركات/
