بصبّحك يا ربّ، وبمجّدك وبعظّمك على كل عطاياك.
بسبّحك اليوم مع هالإنسان المصاب بداء الإستسقاء، العطشان دايما وبحاجة ليشرب عاطول.
بشوفك عم بتجادل علما الشريعة اللي شايفين بحالن إنّن بيعرفو كل شي ومتمسكين بالحرف وعم بيحمّلو الناس أحمال كبيرة.
بشوفك يا ربّ عم بتعلّمن وتعلّمني إنّو الإنسان هوي همّك الوحيد وعم تطلب منّي تا إتشبّه فيك إذا كان بدّي إربح الملكوت.
وتا إتشبّه فيك، عليّي، متل إنت ما عملت يا ربّ، إنزل لعند الإنسان وما ضلّ مطرح ما أنا.
يا ربّ، إنت اللي رسّخت فيّي نعمتك، ووحدا بتكفيني تا أقدر وزّعا عالآخرين وأسقيهن من روحك القدّوس اللي بيغيّرني وبيغيّر وجّ الأرض.
/الخوري يوسف بركات/
