بصبّحك يا رب اليوم مع يوحنا المعمدان اللي بيعلّمني كون ثابت بي مواقفي معك وما إتراجع.
يوحنا هالصوت الصارخ اللي ما تراجع قدام ترغيب هيرودس الملك وترهيبو حتى وصل للشهادة وما إستسلم.
يوحنا بيعلمني كون أول شي إنسان مؤمن فيك وبتعاليمك
يوحنا بيعلمني كون عم إتفاعل مع كلمتك وأعرف ترجما بحياتي.
يوحنا بيعلمني كون رسولك، رسول المحبة بين الناس وخاصة غير المؤمنين.
يوحنا المعمدان بيعلمني كيف إتخطى ذاتي وأنانيتي وإتخلى عن كل المجد الأرضي تا إربح المجد السماوي.
ومع يوحنا المعمدان رح إسعى إني كون التلميذ اللي بتفتحر فيه يا رب واللي مآمن فيك وبتعاليمك وإشهد لإلك حتى الإستشهاد.
/الخوري يوسف بركات/
