صباحك يا رب هوي صباح التجرّد والتخلّي عن الذات والانانية.
ومتل ما بيقول مار بولس إنو حب المال هوي أصل كل الشرور، عليي ما إستسلم لهالحب اللي بيبعّدني عنّك ويبقى حبّك وحدو هدفي.
رح ضل بهالتحدّي لذاتي ولأنانيتي تا ما اتعلّق بشي أرضي وزايل.
ورح إبقى صامد، بقوة روحك القدوس، بوج كل الصعاب اللي عم بتحاول تكسر سفينة حياتي معك يا رب.
كرمال حبّي لإلك يا يسوع، رح ضلّ حارب شهواتي وضلّ حطّم كل الحواجز اللي، مهما كانت صعبة وقاسية، بتحاول تمنعني من انّي اتّحد فيك.
رح إبقى معك وإلك يا رب.
/الخوري يوسف بركات/
