مع نوح ولوط، إبن خيو لإبراهيم، بسبّحك يا رب بهالصباح المبارك.
قديش منشبه، بكتير من الأوقات، الناس اللي كانو عا إيام نوح، عايشين عا ذوقن ومش فرقانة معون الصح من الغلط؟
قديش منشبه، بكتير من الأوقات، أهل سدوم وعمورة عا أيام لوط، نعيش بحسب رغباتنا وشهواتنا ومننسى إنك حاضر معنا يا رب؟
اليوم يا رب عم تدعيني إني أوقف وقفة مع ذاتي وشوف حالي عا ضوء كلامك اللي عم بيحطني قدام أفعالي وراقبا تا شوفا إذا بتليق فيي كإبن لألك أو لأ.
اليوم عم تدعيني يا رب تا أعرف أطلع من أنانيتي وإحمل معي كل النعم اللي عطيتني ياها وإفتح صفحة جديدة معك، متل ما عمل نوح ولوط، أترك كل شي وإمشي وراك.
/الخوري يوسف بركات/
