شو في أجمل من صباحك يا رب؟ صباحك المليان حب وأمل وفرح بيوم جديد معك؟.
بصباح هالعيد الفارح، بتأمل بالصليب اللي هوي رمز الخلاص.
بتأمل بهالخشبة اللي عملوها اليهود والرومان كرمال يصلبوك لأنّك عرّيتن ووقّفتن قدام ذاتن.
بتأمل بهالخشبة اللي وحّدت العلاقة بينك وبين الإنسان بالمحبّة.
بتأمل بهالصليب اللي عليه انصلبت كرمالي وتشيل عنّي عار الخطية.
بتأمل بهالصليب اللي عنّو قوّيت العلاقة بين كنيستك وبين إمك العدرا مريم.
بتأمل بهالصليب اللي عليه متت بدل عنّي تا تعطيني الحياة الجديدة معك.
بهالعيد المبارك، كيف ما بدي أشكرك وسبّحك ومجّدك من كل قلبي يا إلهي ؟
بهالعيد وكل إيام حياتي، كل الكلمات ما بتقدر تعبّر عن كل اللي بقلبي.
بس بقلك بحبّك يا ربّ.
/الخوري يوسف بركات/
