أحلى صباح هوي صباحي اللي بيبدأ بنورك اللي عم تشرقو علينا يا رب.
بتأمّل اليوم بكلامك اللي عم تحطني فيه قدام خيار من تنين:
يا بكون من ابناءك ابناء النّور، امشي بطريقك يا ربّ، طريق الخلاص.
يا بكون من ابناء الشرير، ابناء الظلمة، ارفضك وارفض تعاليمك.
اكيد انا بنقّيك يا ربّ فوق كل الآلهة الارضية اللي بتحاول تسيطر عا حياتي.
بنقّيك انت يا رب تا تتدخل بحياتي وتنقلني للحياة وللقيامة، وتشيلني من ظلمة الخطية لنورك الابدي.
بنقيك يا رب لاني ما بدي كون عم بمشي بالعتمة وما اعرف وين رايح ولا شو بدي اعمل.
انا بدي كون من ابناء النور واكتشف اكتر واكتر حبك ورحمتك وحنانك بحياتي.
/الخوري يوسف بركات/
