بهالصباح المبارك بسبّحك وبمجّدك يا رب عا كل خلايقك اللي هيي بدورا بتمجّدك عا طريقتا.
بتأمّلك يا ربّ اليوم انتي وعم تنتهر بطرس اللي انتي حطيتو الصخرة بالكنيسة.
بتأمّلك عم تدعيه تا يرجع لحالة التلمذة وما يصير بدّو يتعالى عليك.
بتأمّلك يا ربّ عم بتنبّهني من خلال بطرس الرسول إنّي اتبعك الك وحدك وما اتبع ذاتي او حدا تاني.
بتأمّلك يا ربّ من خلال مار بطرس عم بتحمّلني الصليب تا شاركك وكون دايما وراك وما اتقدّم عليك.
بتأمّلك يا ربّ عم تطلب منّي انّي اتخلى عن أفكاري الخاصّة واتبنّى، بملء ارادتي، أفكارك.
رح حاول يا ربّ انّي عيش التخلي عن مصالحي ورغباتي وارتمي بين ايديك تا ارتوي من نبعك اللي ما بينضب.
/الخوري يوسف بركات/
