شو حلو صباحك اللي بيبلّش بتغريدة العصافير مع شروق الشمس.
بدي إتبعك يا رب، وكون تلميذك ورسولك رغم صعوبات الحياة وتجاربا ورغم أوقات بتعب من حمل الصليب، بس كلني إيمان إنّك إنت حاملو عني.
شو مهم أعرف وإتأكد إنّي إذا تخلّيت عن أنانيّتي رح أحصل عا فرح وسعادة أجمل.
يا ربّي يسوع، كيف بدّي إستحي فيك وبكلامك؟ ما إنت الحق وكلامك كلّو حياة!!
وأنا إذا بدي كون رسولك بين الناس بهالعالم، وإعلن كلمتك لكل إنسان بلتقي فيه، ما ممكن إستحي فيك.
هدفي يا ربّ إنّي إتبعك وإربح حياتي معك وما أخسر نفسي.
هدفي كون معك بكل ظروف حياتي وما خلي شي يبعدني عنك يا إلهي الحبيب.
/الخوري يوسف بركات/
