صباح السلام والأمان هوي صباحك اليوم يا ربّ.
بتأمّل فيك يا ربّي يسوع، إنت اللي عشت السلام بين شعبك، وبشوفك عم تدعي تلاميذك وبتدعيني معن إنّي عيش سلامك مع كل إنسان بلتقي فيه، وياما في أوقات وإيام بصير عيش سلامي الأناني ومش سلامك.
بتأملك اليوم، يا يسوع، وبشوفك قدّامي عم بتنبّهني ما أنجر للأرضيات اللي بتحاول تستعبد أعضاء جسدي وبتحاول تاخدني لعالم بعيد عنّك.
لهيك أنا اليوم بسلّم ذاتي بكلّيتا لإلك يا روح الله، تا تبعّدني عن كل هالتجارب اللي ناطرتني إستسلم تا تفترسني وتبعدني عنّك وعن تعاليم الربّ.
بحطّ قدّامك يا ربّ، نظري وتفكيري، تا تباركلي ياهن وصير شوفك بكلّ إنسان وما فكّر إلاّ بالخير اللي بتريدني أعملو معو.
/الخوري يوسف بركات/
