بهالصباح المبارك، ومع القديس توما الرسول، برفعلك كل التسبيح والمجد والشكر، يا إله السما والأرض، عا كلّ نعمك وعطاياك.
برفعلك كلّ التسبيح يا ربّي يسوع لأنك ميّزتنا بنعمة الإيمان فيك من خلال أهلنا اللي عطيونا من إيمانن وربّونا عا محبّتك.
برفعلك كلّ المجد يا إلهي الحبيب، عا نعمة الثبات فيك، متل ما ثبت فيك مار توما الرسول، بظلّ تجاذبات الخطيّة اللي بتحاول تبعّدني عنّك.
برفعلك كلّ الشكر يا مخلّصي الوحيد، لأنّك عم تدعيني تا كون مسكين بالروح وإغتني فيك.
بشكرك يا حبيبي يسوع لأنّك عشت قدّامي الفقر وكنت لإلي مثال بالتواضع تا إتمثّل فيك.
بحبّك يا يسوع لأنّك حبّيتني لدرجة ما ممكن إتخيّلا ولا أوصلّا، بس بعرف إنّها أحلى وأغلى علامة تا تعبّرلي عن حبّك إلي بإنّك إفتديتني عالصليب.
/الخوري يوسف بركات/
