صباحك ورد مفتّح من نورك ومورّد بكلامك يا ربّي يسوع.
شو في اجمل من انّو تكون بواب السما مفتوحة لالنا والقدّيسين فرحانين فينا؟ شو حلو لمّن بتحطّلنا ملكوتك بين إيدينا يا رب. بس الأحلى لمّن منكون متحضّرين للقاءك يا ربّ.
وبالرغم من كل ضعفنا البشري، نحنا منضلّ عم نطلب رحمتك يا ربّ ونطلب منّك تقوّينا بضعفنا وروحك القدّوس يفيض نعمو بقلب كل واحد وواحدة منّا.
وشو بدنا اكتر من انو تنما كلمتك بي ضميرنا متل ما بينما الزرع بالأرض الطيبة؟ وهيك منتقدّس بكلّ كياننا.
وتا تنما كلمتك فينا، علينا انو نشتغل عا ذاتنا تا تصير كلمتك هيي بحدّ ذاتا حياتنا، ونعيشا بداخلنا تا تصير تعدي كل انسان منلتقي فيه.
ولمن منسلّمك ذواتنا يا ربّ منتحوّل لرسل حقيقيين منعكس صورتك للغير تا هوي بدورو يتعرّف عليك، من خلالنا ويصير بفعل الروح هوي كمان رسولك ونعكس سوا نورك وحبك بحياتنا.
/الخوري يوسف بركات/
