شو حلوة الحياة معك يا ربّ ، بحلوا وبمرّا وبصعوباتا.
اوّل شي حلو بهالحياة هوي هالكون اللي انت منظّمو يا ربّ.
واللي بيعطي رونّق لحياتي هوّي روحك القدّوس اللي عم بيهديني للطريق الصحيح واللي عم يكسّرلي الحواجز اللي بتحاول تبعدني عنّك.
والأجمل هوّي كلامك اللي بيتغلغل عا قلبي يوميّا تا يزيدني فرح وسلام بظل الالم واليأس والحزن المستشري بمجتمعنا.
وشو حلو كلامك، خاصّة اليوم، لمّن بتعطيني الطوبى وكلّك ثقة فيي انّي فاتح عيون قلبي تا شوفك، ومفتّح دينين فكري تا اسمع همسات حبّك وتدعيني لمحبّة الآخرين.
شو بدّي اجمل من هيك دعوة، وشو بعدني ناطر تا انطلق معك بين العالم.
/الخوري يوسف بركات/
