صباح كل شي صالح وخيّر وعظيم هوّي صباحك يا ربّ الأرباب.
كل شي بيبلّش صغير وبينما تا يصير كبير. وهيك اليوم يا رب عم بتفرجيني ملكوت السما متل حبّة الخردل اللي بتنما وبتكبر كتير تا تصير جسر عبور من الارض للسما. وهيك بيكون وسيط بينط وبيننا.
ونحنا بالايمان منبلش صغار كتير ومنبلّش ننما، اذا بدنا، تا يصير ملكوتك جوّاتنا، ونصير بيتك وتستقر فينا.
وتا ننما بالايمان، عم بتكون حاضر حدنا وتعتني فينا، عناية البيّ بولادو، بتدعينا فيها تا نصلّي ونثبت فيك وبكلامك.
وصلاتنا اليوم هيي طلب منّك يا ربّ انّك تعطينا ايمان نشهد فيه لإلك كل يوم، ونوصل فيه لعندك، انتي النبع اللي بتدفق نعم وعطايا لامتناهية.
/الخوري يوسف بركات/
