صباح الرحمة الالهية هوي صباحك اليوم يا ربّي يسوع.
بهالنهار منتذكّر فيه كلّ اللي سبقونا وانتقلو من هالحياة الفانية وكلنا رجا انّن يلتقيو فيك ويتنعّمو بملكوتك الأبدي مع كل القدّيسين اللي عاشو حياة مليانة جهاد كرمال يحافظو على حبّن لإلك.
اوقات كتير يا ربّ متل هالغني، منطلب معجزات وغرايب تا نتأكّد من حضورك، وما منشوف بعين الايمان اللي زرعا فينا اهلنا من وقت العماد.
وحدا كلمتك يا رب هيي اكيد دليل عا حضورك بحياتنا. وحدو جسدك ودمك بالقربان المقدس هوي زادنا وزوادتنا. وحدا وقفتنا حدّ المحتاج هيي دليلنا صوبك بظلّ كلّ التحدّيات اللي بتعترض طريقنا معك.
ما تخلينا يا ربّ نتأخّر عن انّا نلتقي فيك بكلمتك وبالقربان وبخينا الانسان.
/الخوري يوسف بركات/
