كيف بدي اوصف صباحي اليوم معك يا ربّ، انتي اللي فتحتلي باب التوبة بيوم جديد؟كيف بدي اوصف حبّك لالي يا رب، انت اللي بذلت نفسك كرمالي عالصليب تا تشيلني من خطيتي؟كيف بدي اوصف اتّحادك فيي انا الانسان الضعيف اللي بكتير من الأوقات بضعف قدام رغبات الحياة؟كيف بدي اوصف ثقتك فيي، انا الخاطي اللي بخونك دايما قدام ملذّاتي وشهواتي؟يا ربّي يسوع، انت اللي جدّدتني وبعدك عم تدعيني تا اتجدّد بروحك القدّوس، انت اللي كلّ همّك خلاص العالم وخلاص نفسي، ضحّيت بذاتك تا ترجّعلي الحياة اللي خسرتا بأنانيتي وبتكبّري. شو ما عملت ما بقدر ردّلك هالجميل. اصلا انت ما بدّك شي غير انّي كون فرحان فرح حقيقي، وهالفرح الحقيقي ما بقدر عيشو الا معك يا حبيبي يسوع.
/الخوري يوسف بركات/
