اليوم بدي صبّحك يا رب مع القديس الرسول والانجيلي متّى.من القدّيس متى، اللي بعد ما تعرّف عليك، تخلّى عن كل شي ارضي وتبعك، بدّنا ناخد العبرة انّو كل شي بهالدني فاني ووحدك انت الباقي يا ربّ..مع الرسول متى، اللي من بعد القيامة صار يبشّر فيك ويعلن مجدك بين كل اليهود، بدنا ناخد العبرة انو وين ما منكون، حتى بي بيئتنا ومجتمعنا علينا انّو نعلن مجدك من خلال طريقة عيشنا.مع الانجيلي متى، اللي كان همو الوحيد يوصّل كلمتك والبشارة بكل الوسايل، بدنا ناخد العبرة انّو ما في شي بيمنعنا انّو نعيش كلامك ونفعّلو بحياتنا.مع متى الشاهد الأمين لإلك حتى الاستشهاد بدنا نعرف نعيش الشهادة لإلك بحياتنا ونحاول نبادلك ولو شي بسيط من الحب اللي حبّيتنا ياه.
/الخوري يوسف بركات/
