صبحية مع الرب

بسبّحك وبمجّدك يا ربّ السما والأرض بهالصباح المبارك اللي فيه بتدعينا لنزداد بالايمان فيك تا تقدر نحصل عالحياة الأبديّة معك.

ببداية الخلق، طلع الإنسان من الجنّة اللي خلقتو فيا وسكّر باب الفردوس عا حالو بسبب خطيتو اللي فيها سلّم حالو للموت وتنكّر لحضورك ونعمك بحياتو.


بالمقابل، تجسدت وصرت انسان، وجيت عا هالأرض، يا ربّ، تا تفحتلنا باب السما، وتصالحنا مع الله الآب، اللي خلقنا، بشخصك.


صحيح يا ربّ ما حدا بيقدر يصعد عالسما الا اللي نزل من السما يعني الا انت، لأنّك انت الاله القادر عا كل شي والخالق كل شي.


انت الإله السامي، نزلت عالارض تا ترفعنا نحنا الوضيعين والارضيين تردنا للتوبة وتخلينا شركا بمجدك من خلال الصليب.ساعدنا، يا رب، تا نقدر نحمل، كل واحد منّا صليبو، ونموت عن انانيّاتنا، ونقوم معك ونشترك بقيامتك.

/الخوري يوسف بركات/