صبحية مع الرب

شو هالتشبيه الحلو يا ربّ اللي فيه بتشبّه حالك بالكرمة الحقيقية والله الآب بالكرّام اللي بينقّي الكرم من كل الشوائب، وحطيتنا غصون بكرمك.


وعا قد ما بيفرّح هالوصف، عا قد بيحطّنا تحت حقيقة اساسية وهيي اننا ما نعطي ثمر بيليق باسمك القدّوس.


ما بدنا نكون غصون يابسة، تقطعا ونكبّا بالنار الأبدية تا تحترق. بدنا نكون اغصان مليانة من حبّك وعم نوزعّ نورك وفرحك للعالم.


بدنا ياك يا ربّ تشبّعنا من روحك القدّوس تا يشيل عنّا غبار الضعف والخطية ويهذبنا تا نقدر نعطي الثمار اللي بتليق فيك يا الهنا الحبيب.


ما بدنا نكون يا ربّ عم نستغل علاقتنا فيك وحبّك لالنا كرمال مصالحنا الخاصة وانانيتنا.


بدنا نحمل ثمر الايمان اللي دايما بتدعينا اننا نعيشا ونوزّعا عالآخرين من اعمال صالحة بتمجّد اسمك وشهادة حقيقية منستاهل من خلالا نرفع اسمنا كمسيحيين بالعالي.

/الخوري يوسف بركات/