مع كل نسمة من نسمات الصباح، ومع كل نقطة ميّ بهالشتي، قلوبنا بتصرخلك مبارك وممجد ومسبّح يا ربّنا وإلهنا الحبيب.

منتأمّل بحياتنا ومنسأل حالنا يا ربّ، ليش منركّز عالأكل والشرب واللبس وعا كل شي فاني وباقي بهالأرض وكأنّن هنّي اللي بيعطونا الحياة؟

بالمقابل وبالحقيقة، وحدك يا ربّ اللي بتعطي الحياة، ومن دونك ما إلها معنى هالحياة اللي بتتحدى الموت.

بهالصوم المبارك، وحدا العناية الإلهيّة بتدفعناة تا نطلب الأساسي والجوهري، ملكوتك اللي فيه منلاقي السلام والفرح الدايم، وما نلتهي بالقشور اللي بتريّحنا وبتسعدنا لفترة قصيرة.

حبّك يا إلهنا الحبيب لخليقتك بيدفعك تا تهتمّ فيها كلّا، كيف منحصر حالنا وإهتماماتنا بالإشيا الدنيويّة والأرضيّة، وما منستقي منّك يا نبع الحياة.

/الخوري يوسف بركات/