فرحتنا اليوم ما بتنوصف يا ربّ بهالصباح اللي عم تشرق فيه نور قيامتك علينا يا إلهنا الحيّ.
هيدا اليوم هوي يومك يا ربّ، اليوم اللي إنتصرت فيه عالموت بقيامتك من ببن الأموات، وفيه أحييت موتى القبور اللي كانو ناطرين الخلاص.
اليوم، بقيامتك من بين الأموات، عطيتنا معنى جديد للحياة يا يسوع، خلّيتنا نتأكّد إنّو الحياة من دونك هيي موت.
اليوم، بقيامتك من بين الأموات، بتأكّد للبشريّة إنّو الموت ما إلو سلطان عليها، وإنّك إنت اللي خلقت العالم وباقي مع العالم لخلاص العالم.
اليوم، يقيامتك من بين الأموات، رجّعت الفرحة للعدرا وللرسل وللتلاميذ ولكلّ الناس اللي كانو عايشين ألم موتك بالجسد يا ربّنا يسوع المسيح إبن الله الحيّ.
اليوم، كل البشريّة فرحانة بقيامتك من بين الأموات، وعلى رجا إنّو حياتنا كلّا تكون شاهدة وشهادة لهالقيامة.
/الخوري يوسف بركات/
