صبحية مع الرب

منرفعلك يا ربّي يسوع ألحان المجد والتسبيح والشكر عا حضورك الدايم بحياتنا.

شو صعب حمل الصليب وبنفس الوقت شو حلو رغم صعوبتو يا ربّ.

أكيد ، وبحسب طبيعتنا البشريّة، صعب كتير الصليب.

وما حدا ممكن يقدر يحملو أو حتى يتحمّل الضغط اللي بيصيبو ليللي حاملو.

أكيد صعب، وبحسب طبيعتنا البشريّة، إننا ما نتحمّل الإهانات والضيقات الإقتصاديّة والمعيشية والمرضية والإجتماعية اللي عم نتعرّضلا يا ربّ.

بس كمان، بفضل عمادنا فيك يا ربّ، وباتّكالنا عالروح القدس، عم بيكون حملنا للصليب هيّن ومريح لأننا كلنا إيمان بإنّك انت الحامل عنا صلباننا.

وكمان، وبفضل عمادنا فيك وبقوّة الروح القدس، عم نقدر نتحمّل آلامنا النفسيّة والجسديّة، بإيمان وبفرح.

لهيك، نحنا اليوم رح نجدّد وعدنا وثقتنا وإيماننا فيك يا ربّ، ونحطّك انت غاية وهدف حياتنا.

/الخوري يوسف بركات/