صبحية مع الرب

بصباح هالنهار المميز منرفعلك كل التسبيح والتمجيد والشكر يا ربّ مع صاحب العيد، القديس شربل.

من شربل، هالقدّيس اللي فات بعلاقة حب معك يا ربّ من اول ما تعرف عا هالحياة، بدنا ناخد العبرة كيف نبني هالعلاقة معك المرتكزة عالحبّ الحقيقي ونحاول نبادل ولو جزء من الحبّ اللي حبّيتنا ياه.

من شربل، هالقديس اللي سكر فيك يا ربّ لدرجة انّو عاش حياة انخطاف فيك، بدنا ناخد العبرة انّو ما رح نعرف المعنى الحقيقي للسعادة بالحياة الّا بالاتحاد فيك.

من شربل، هالراهب المتواضع اللي تخلّى عن كل شي بيخلّيه يتعلّق بهالدني تا يبقى معك ويكون أمين للرسالة اللي ائتمنتو عليا، بدنا ناخد العبرة إنّو مسيحيّتنا ما رح فينا نعيشا الا بالتواضع والوداعة بكلّ ايمان ثابت، ونحطّك هدف حياتنا ونسعى لنحقّق هدفنا وتكون اقوالنا وأفعالنا بتليق فيك.


/الخوري يوسف بركات/