صبحية مع الرب
30Jul
منسبّحك ومنمجّدك ومنعظّمك يا ربّ بصباح هالنهار المبارك اللي عم تشرق فيه علينا نورك.
وبهالنهار، اللي عم بتطمننا فيه بإ٧7نّك حاضر معنا، منعترف فيك السيد عا حياتنا، ومنعلنك المالك وحدك عا قلوبنا، ومنقلك اننا منحبّك يا إلهنا الحبيب.
كيف ما بدنا نعترف فيك ربّنا وإلهنا، وانت اللي اعترفت فينا اننا احبابك، رغم كل اللي عملناه وبعدنا عم نعملو من إهانات بحقك؟
كيف ما بدنا نعتبرك السيّد عا حياتنا، وانت اللي عطيتنا الحياة وما بخلت علينا بالنعم والمواهب والوزنات يا ربّ السما والأرض؟كيف ما بدنا نعلنك المالك وحدك عا قلوبنا، وانت اللي حبّيتنا حبّ ما إلو حدود، حتى وصلت بحبّك لدرجة انّك انهنت وانصلبت ومتت كرمالنا، ولأنّك بتحبّنا.
وكيف ما بدنا نبادلك هالحبّ الحقيقي، وانت اللي عم تدعينا بكل لحظة تا نحبّك ونسلّمك الدفّة تا تقود سفينة حياتنا يا إلهنا الحنون؟
/الخوري يوسف بركات/
تعليقات
