صبحية مع الرب

منسبّحك ومنمجّدك يا ربّ السما والأرض لأنّك حاضر معنا بكل لحظة من حياتنا.

يا ربّي يسوع، كل انسان بيفرح لمّن بيسمع عنّك او بيشوفك عم تشفي. وخاصة اليوم انتي وعم تشفي هالانسان اللي بحاجة دايمة لماء.

بس المشكلة هيي عند علماء الشريعة اللي ما بيهمّن الّا تطبيقا حرفيا والسبت عندن ياه قبل الانسان، وهيدا اللي زعج الربّ وخلّاه يشدّد عا قكرة انو السبت انعمل لخدمة الانسان ومش العكس.

ومنتساءل ليش هالقسوة بقلوب علماء الشريعة؟ والجواب وحيد وهوي ال "أنا" اللي بتوصّل الانسان للإجرام وللضياع، وهيدا اللي صار معك يا ربّ: غفرت ليللي صلبوك، وحبيت حتى اللي ما بيخلوك تحب.

ومن حياتنا اليومية بتعطينا درس كتير مهم يا ربّ، وهوي اننا نعيش محبّة وخدمة الانسان المحتاج للمسة حبّك وحنانك منّا.

/الخوري يوسف بركات/