بالتهليل والتسبيح منبدأ صباحنا يا ربّ، وبالشكر، على نعمة الحياة منبلّش النهار الجديد المليان من نورك يا إله الحياة.
يا ربّي يسوع، منشكرك على هالزمن اللي فيه بتدعينا تا نتحضّر للعبور من هالوادي، وادي ظلال الموت، للحياة.
يا ربّي يسوع، بموتك وقيامتك علّمتنا إنّو الموت منّو إلاّ جسر عبور للحياة، وصارت الحياة فيك أبديّة وفيها كل السعادة والسلام.
يا ربّي يسوع، منشكرك لأنّك دايماً بتحذّرنا من إننا نضيّع طاقاتنا ومواهبنا بالتعلّق بالأرضيّات، ونلتفت تا نقوّي العلاقة فيك بالصلاة والتأمّل ومحبّة وخدمة الآخرين.
أعطينا يا ربّ إننا نعرف نشوف نورك بوضوح، وندرّب ذاتنا على التحضير للقاءك، والسهر ليوم الإتّحاد فيك يا هدفنا الوحيد.
/الخوري يوسف بركات/
