بعد كل ليل في نهار جديد، ومع كل طلعة صباح فيه إشراقة من نورك يا نور الأنوار، منرفعلك كل التسبيح والمجد والإكرام يا إلهنا الحبيب.

يا ربّي يسوع، إنت الحكمة بذاتا، لهيك بتقلنا تا نكون حكماء ونستقي منّك تا نعرف نعيش حياتنا معك بكل قدرة وصدق وأمانة.

يا ربّي يسوع، شو سرّ هالحكمة اللي بتدعينا إننا نتحلّى فيها؟

بس ما بدنا نكون متل هالوكيل الخاين اللي بدّد مواهبو على حياة الطيش، بدنا نحطك هدف حياتنا وغايتا، ورح ونعطيك ذاتنا بحكمة الإيمان تا تباركنا وترافقنا بكل الأزمات والصعوبات، رغم أنانيتنا، تا نقدر نوصل لعندك ونتمتّع بوجّك المليان حب وفرح وسلام.

إنت مرجعيّتنا، يا ربّي يسوع، أعطينا إننا نكتشف حكمتك بحياتنا ونفعّلا فينا ونوجّها صوب الملكوت.

/الخوري يوسف بركات/